Shoqëria e përbashkët kërkon solidaritet

5 Shkurt 2017 - 08:33      

Blerta Hoti jeton në Bruksel dhe është këshilltare politike në Parlamentin Evropian për eurodeputetët e Partisë Socialdemokrate të Suedisë.

U lind në vitin 1986 në fshatin Polac të Komunës Skënderajt, Kosovë. Kur ishte vetëm 6-vjeçare, në vitin 1992, u vendos në Suedi si refugjate së bashku me familjen e saj, shkruan sot “Koha Ditore”.

Blerta ka diplomuar në studimet globale dhe marrëdhëniet ndërkombëtare në Universitetin e Geteburgut, Suedi, në qytetin ku është rritur. Gjatë studimeve ishte edhe anëtare e Bordit të Fakultetit School of Global Studies, ku i përfaqësonte interesat e studentëve. Ajo jashtë studimeve ishte edhe aktiviste e lëvizjes së grave, ku punonte vullnetarisht në organizatën për të drejta të grave, “Terrafem”.

Më 2011 jetoi në Prishtinë, ku e bëri internshipin/praktikën në Ambasadën suedeze, veçanërisht në Agjencinë Suedeze për Bashkëpunim Zhvillimor Ndërkombëtar, Sida. Pas rikthimit në Suedi, në të njëjtin vit, vendos të angazhohet në Partinë Socialdemokrate të Suedisë, e cila është partia më e madhe në Suedi, që aktualisht qeveris bashkë me Partinë e Gjelbër Suedeze.

Në 2012 u punësua si ombudsman për Partinë Socialdemokrate dhe për organizatën rinore të saj. Në 2014 u bë njëra ndër themelueset e organizatës Klubi Socialdemokrat për Politiken e Sigurisë (SSÄK), ku u zgjodh edhe kryetare.

Hoti është personazhi i kësaj jave që rrëfehet në rubrikën e përjavshme “7 Shkronjat” në “E diela e Koha Ditore”.

Barazi. Njëra ndër vlerat themelore që më shtynë përpara është qëllimi që të ketë barazi në shoqëri.

Barazia për mua është kusht paraprak për lirinë njerëzore ku secili individ vlerësohet i barabartë para ligjit, dhe ku u garantohen të drejtat njerëzore pa dallim etnie, besimi fetar, gjinie, klase ekonomike apo orientimi seksual... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...